Tuladha Geguritan

Dewi Pertiwi

Anggitan : Adnia Pravitasari

Kumlinthinge wirama gamelan

Dadya punjering nyawa raga

Ngobat-ngabit daya rasa

Sarta sinambungan tan matesi

Wus nyawiji mbebles ati

Duh, dewi pertiwi

Sumorot guna-gunamu nengsemake

Kayata sesotya

Dadi rengganing negara

Pancen tan kleru

Sliramu sulistya kang pinuja

Tlatah kebaking budaya

Kawentar ing mancanegara